ஸாமஜ வர க3மன - ராகம் ஹிந்தோ3ளம் - Samaja Vara Gamana - Raga Hindolam

பல்லவி
ஸாமஜ வர க₃மன ஸாது₄
ஹ்ரு₂த்ஸாரஸாப்₃ஜ பால காலாதீத விக்₂யாத

அனுபல்லவி
¹ஸாம நிக₃மஜ ஸுதா₄ மய கா₃ன விசக்ஷண
கு₃ண ஸீ₁ல த₃யாலவால மாம் பாலய (ஸா)

சரணம்
²வேத₃ ஸி₁ரோ மாத்ரு₂ஜ ஸப்த-ஸ்வர
³நாதா₃சல தீ₃ப ஸ்வீக்ரு₂த
யாத₃வ குல முரளீ வாத₃ன வினோத₃
⁴மோஹன கர த்யாக₃ராஜ வந்த₃னீய (ஸா)

---

பொருள் - சுருக்கம்
களிற்றின் சிறந்த நடையோனே! நல்லோரிதயக் கமலத்தைப் பேணுவோனே! காலத்திற்கப்பாற்பட்டோனே! புகழுடைத்தோனே!
சாம வேதத்துதித்த அமிழ்த மயமான இசை வல்லுநனே! நற்பண்புகளோனே! கருணைக் கடலே!
மறைமுடியின் அன்னை ஈன்ற ஏழ் பதமெனும் நாதக்குன்றின் (மேலிட்ட) விளக்கே! யாதவ குலத் தோன்றலே! குழலிசைப்போனே! விளையாடலாக சொக்கவைப்போனே! தியாகராசனால் வந்திக்கப்பெற்றோனே!
என்னைக் காப்பாய்.

---

பதம் பிரித்தல் - பொருள்
பல்லவி
ஸாமஜ/ வர/ க₃மன/ ஸாது₄/ ஹ்ரு₂த்-/
களிற்றின்/ சிறந்த/ நடையோனே/ நல்லோர்/ இதய/

ஸாரஸ-அப்₃ஜ/ பால/ கால/-அதீத/ விக்₂யாத/
கமலத்தை/ பேணுவோனே/ காலத்திற்கு/ அப்பாற்பட்டோனே/ புகழுடைத்தோனே/

---

அனுபல்லவி
ஸாம/ நிக₃மஜ/ ஸுதா₄/ மய/ கா₃ன/ விசக்ஷண/
சாம/ வேதத்துதித்த/ அமிழ்த/ மயமான/ இசை/ வல்லுநனே/

கு₃ண ஸீ₁ல/ த₃யா/-ஆலவால/ மாம்/ பாலய/
நற்பண்புகளோனே/ கருணை/ கடலே/ என்னை/ காப்பாய்/

---

சரணம்
வேத₃/ ஸி₁ரோ/ மாத்ரு₂ஜ/ ஸப்த/-ஸ்வர/
மறை/ முடியின்/ அன்னை ஈன்ற/ ஏழ்/ பதமெனும்/

நாத₃/-அசல/ தீ₃ப/ ஸ்வீக்ரு₂த/
நாத/ குன்றின்/ (மேலிட்ட) விளக்கே/ தோன்றலே/

யாத₃வ/ குல/ முரளீ/ வாத₃ன/ வினோத₃/
யாதவ/ குல/ குழல்/ இசைப்போனே/ விளையாடலாக/

மோஹன கர/ த்யாக₃ராஜ/ வந்த₃னீய/
சொக்க வைப்போனே/ தியாகராசனால்/ வந்திக்கப்பெற்றோனே/

---

குறிப்புக்கள் - (Notes)
வேறுபாடுகள் - (Pathanthara)
⁴ - மோஹன கர - மோஹனாகார

மேற்கோள்கள்
¹ - ஸாம நிக₃மஜ - சாம வேதத்துதித்த - இசை, சாம வேதத்தினின்றும் தோன்றியது என்கிறார் தியாகராஜர். பஞ்சாபகேச ஐயர் எழுதியுள்ள 'கர்நாடக ஸங்கீத ஸாஸ்திரம்' என்ற புத்தகத்தில் - 'ருக்', 'யஜூர்' வேதங்களில், மூன்று சுரங்களே பயன்படுத்தப்படுகின்றனவென்றும், சாம வேதத்தில் ஏழு சுரங்களும் பயன் படுத்தப்படுகின்றன என்றும் எழுதியுள்ளார். மேலும் சாம வேதத்திற்கும் ஸங்கீதத்திற்கும் உள்ள தொடர்பு குறித்து அறியவும்.
Top

விளக்கம்
² - வேத₃ ஸி₁ரோ மாத்ரு₂ஜ - மறை முடியின் அன்னை ஈன்ற - உபநிடதங்கள் மறை முடிவெனக் கருதப்படும். ஏழு சுரங்களும் நாதோங்காரமெனும் பிரணவத்தினின்றும் தோன்றியதாக தியாகராஜர் பல கீர்த்தனைகளில் கூறியுள்ளார். அதன்படி - மறைமுடியின் அன்னை எனப்படுவது நாதோங்காரம் எனக்கொள்ள வேண்டும். ஆனால் காயத்திரி வேதங்களின் அன்னையாக கருதப்படும். காயத்திரி மந்திரமும் பிரணவத்தினை ஆதாரமாகக் கொண்டுள்ளதால் இங்கு முரண்பாடு காணப்படுகின்றது. மறைமுடியின் அன்னை நாதோங்காரம் என்றால் நாதோங்காரமும் காயத்திரியும் ஒன்றே எனப் பொருள் கொள்ள நேரும்.

³ - நாதா₃சல தீ₃ப - தமிழில் 'குன்றின் மேலிட்ட விளக்கு' என்னும் வழக்கினை நோக்கவும்.

ஏழ் பதம் - இசையின் ஏழு சுரங்கள்

சொக்கவைப்போன் - ஆய்ச்சியரையும் உலகோரையும்
Top

---