தியாகராஜ கிருதி - ஸாரமே கானி - ராகம் பந்துவராளி - Saarame Kaani - Raga Pantuvarali

பல்லவி
¹ஸாரமே கானி அன்ய மார்க₃
²விசாரமேடிகே ஓ மனஸா

அனுபல்லவி
வாரு வீரு தெலிய லேக பல்கு
வார்தலு வினனேலே ராம நாமமு (ஸா)

சரணம்
சரணம் 1
மார கோடி லாவண்யுடை₃ன ரகு₄
வீருனி நாம ஸுதா₄ ரஸமுனனு
ஸாரெகு பானமு ஜேஸி ஜக₃த்₃-
விஹாருடை₃ வெலயு நாராயண
நாராயணயனுசுனு வாரமு
³ஸ₁ரத₃ம்பு₃த₃ நிபு₄டௌ₃ ஸ்ரீ
நாரத₃ முனி ⁴வல்மீக ஜாதுனிகி
கூரிமினுபதே₃ஸி₁ஞ்ச லேதா₃ (ஸா)

---

சரணம் 2
பரம பாவனுனி ஸ₁ரணாக₃த ஜன
பரிபாலன பி₃ருதா₃ங்குனி ஸீதா
வருனி நாம ஸுதா₄ ரஸ பானமு
நிரதமுனனு ஜேஸி ஹரி ஹரி
ஹரியனுசு ஸந்ததம்பு₃னு
ஸரியு லேனி கீர்தி காஞ்சி தே₃ஹமு
பரவஸ₁ம்பு₃ ஜெந்தி₃ ஸு₁க ப்₃ரஹ்ம
பரீக்ஷித்துகொஸக₃ லேதா₃ வாதா₃ (ஸா)

---

சரணம் 3
⁵ஸாம கா₃ன லோலுடௌ₃ ரஜத கி₃ரி
தா₄முடை₃ன த்யாக₃ராஜ ஸி₁வுட₃தி
நேமமுதோ நாமாம்ரு₂த பானமு
ஏமரகனு ஜேஸி ராம ராம
ராமயனுசு ஸததமு
ஸ்ரீமதா₃தி₃ கௌ₃ரிகி ஸ்₁ரு₂ங்கா₃ரிகி
ஆ மஹிமலனா ரஹஸ்யமுலனதி
ப்ரேமனுபதே₃ஸி₁ஞ்ச லேதா₃ (ஸா)

---

பொருள் - சுருக்கம்
ஓ மனமே!

• சாரமேயற்ற பிற நெறிகளின் எண்ணம் எதற்கடி?
  
• அவரும், இவரும், அறியாது பேசும் சொற்களைக் கேட்பதேனடி?
  
• இராம நாமமே சாரமேயன்றி, பிற நெறிகளின் எண்ணம் எதற்கடி?
  
  
  • மதனர்கள் கோடி எழிலுடையவனாகிய, இரகு வீரனின் நாம அமிழ்துச் சாற்றினை, எவ்வமயமும் பருகி,
    
  • 'நாராயண, நாராயண'வென்று (செபித்துக்கொண்டு) நாளும்,
    
  • பல்லுலக சஞ்சாரியாக விளங்கும், இலையுதிர்கால முகில் நிகரினராகிய,
  
  
• உயர் நாரத முனி, (இராம நாமத்தினை) புற்றிலுதித்தோனுக்குக் கனிவுடன் உபதேசிக்கவில்லையா?
  
  
  • முற்றிலும் தூயோனின், சரணடைந்தோரைப் பேணும் விருதேந்துவோனின், சீதை மணாளனின், நாம அமிழ்துச் சாற்றினை இடையறாது பருகி,
    
  • 'அரி, அரி, அரி'யென்று (செபித்து), எவ்வமயமும்,
    
  • ஈடற்ற புகழ் பெற்று, மெய்ப் பரவசமுற்று,
  
  
• சுகப்பிரும்மம் (அரி நாமத்தினை) பரீட்சித்துக்கு அளிக்கவில்லையா? வாதா?
  
  
  • சாமகானத்தினை விரும்பும், பனிமலை உறைவோனாகிய, தியாகராசனுக்கு நலனருள்வோன், மிக்கு நியமத்துடன், (இராம) நாம அமிழ்தினை மறவாது பருகி,
    
  • 'இராமா, இராமா, இராமா'யென (செபித்து), எவ்வமயமும்,
  
  
• உயர் ஆதி கௌரிக்கு, சிங்காரிக்கு, அம்மகிமைகளினையும், அம்மருமங்களினையும், மிக்கு அன்புடன் உபதேசிக்கவில்லையா?

---

பதம் பிரித்தல் - பொருள்
பல்லவி
ஸாரமே/ கானி/ அன்ய/ மார்க₃/
சாரமே/ அற்ற/ பிற/ நெறிகளின்/

விசாரமு/-ஏடிகே/ ஓ மனஸா/
எண்ணம்/ எதற்கடி/ ஓ மனமே/

---

அனுபல்லவி
வாரு/ வீரு/ தெலிய லேக/ பல்கு/
அவரும்/ இவரும்/ அறியாது/ பேசும்/

வார்தலு/ வினனு/-ஏலே/ ராம/ நாமமு/ (ஸா)
சொற்களை/ கேட்பது/ ஏனடி/ இராம/ நாமமே/ சாரமேயன்றி...

---

சரணம்
சரணம் 1
மார/ கோடி/ லாவண்யுடை₃ன/ ரகு₄/
மதனர்கள்/ கோடி/ எழிலுடையவனாகிய/ இரகு/

வீருனி/ நாம/ ஸுதா₄/ ரஸமுனனு/
வீரனின்/ நாம/ அமிழ்து/ சாற்றினை/

ஸாரெகு/ பானமு ஜேஸி/ ஜக₃த்₃/-
எவ்வமயமும்/ பருகி/ பல்லுலக/

விஹாருடை₃/ வெலயு/ நாராயண/
சஞ்சாரியாக/ விளங்கும்/ 'நாராயண/

நாராயண/-அனுசுனு/ வாரமு/
நாராயண/ என்று/ (செபித்துக்கொண்டு) நாளும்/

ஸ₁ரத்₃/-அம்பு₃த₃/ நிபு₄டௌ₃/ ஸ்ரீ/
இலையுதிர்கால/ முகில்/ நிகரினராகிய/ உயர்/

நாரத₃/ முனி/ வல்மீக/ ஜாதுனிகி/
நாரத/ முனி/ (இராம நாமத்தினை) புற்றில்/ உதித்தோனுக்கு/

கூரிமினி/-உபதே₃ஸி₁ஞ்ச லேதா₃/ (ஸா)
கனிவுடன்/ உபதேசிக்கவில்லையா/

---

சரணம் 2
பரம/ பாவனுனி/ ஸ₁ரண/-ஆக₃த ஜன/
முற்றிலும்/ தூயோனின்/ சரண்/ அடைந்தோரை/

பரிபாலன/ பி₃ருது₃/-அங்குனி/ ஸீதா/
பேணும்/ விருது/ ஏந்துவோனின்/ சீதை/

வருனி/ நாம/ ஸுதா₄/ ரஸ/ பானமு
மணாளனின்/ நாம/ அமிழ்து/ சாற்றினை/

நிரதமுனனு/ ( பானமு) ஜேஸி/ ஹரி/ ஹரி/
இடையறாது/ பருகி/ 'அரி/ அரி/

ஹரி/-அனுசு/ ஸந்ததம்பு₃னு/
அரி/ என்று/ (செபித்து), எவ்வமயமும்/

ஸரியு/ லேனி/ கீர்தி/ காஞ்சி/ தே₃ஹமு/
ஈடு/ அற்ற/ புகழ்/ பெற்று/ மெய்/

பரவஸ₁ம்பு₃/ ஜெந்தி₃/ ஸு₁க/ ப்₃ரஹ்ம/
பரவசம்/ உற்று/ சுக/ பிரும்மம்/ (அரி நாமத்தினை)

பரீக்ஷித்துகு/-ஒஸக₃ லேதா₃/ வாதா₃/ (ஸா)
பரீட்சித்துக்கு/ அளிக்கவில்லையா/ வாதா/

---

சரணம் 3
ஸாம/ கா₃ன/ லோலுடௌ₃/ ரஜத/ கி₃ரி/
சாம/ கானத்தினை/ விரும்பும்/ பனி/ மலை/

தா₄முடை₃ன/ த்யாக₃ராஜ/ ஸி₁வுடு₃/-அதி/
உறைவோனாகிய/ தியாகராசனுக்கு/ நலனருள்வோன்/ மிக்கு/

நேமமுதோ/ நாம/-அம்ரு₂த/ பானமு
நியமத்துடன்/ (இராம) நாம/ அமிழ்தினை/

ஏமரகனு/ ( பானமு) ஜேஸி/ ராம/ ராம/
மறவாது/ பருகி/ 'இராமா/ இராமா/

ராம/-அனுசு/ ஸததமு/
இராமா/ என/ (செபித்து), எவ்வமயமும்/

ஸ்ரீமத்/-ஆதி₃/ கௌ₃ரிகி/ ஸ்₁ரு₂ங்கா₃ரிகி/
உயர்/ ஆதி/ கௌரிக்கு/ சிங்காரிக்கு/

ஆ/ மஹிமலனு/-ஆ/ ரஹஸ்யமுலனு/-அதி/
அந்த/ மகிமைகளினையும்/ அந்த/ மருமங்களினையும்/ மிக்கு/

ப்ரேமனு/-உபதே₃ஸி₁ஞ்ச லேதா₃/ (ஸா)
அன்புடன்/ உபதேசிக்கவில்லையா/

---

குறிப்புக்கள் - (Notes)
வேறுபாடுகள் - (Pathanthara)
சில புத்தகங்களில், இப்பாடலின் ராகம் 'காமவர்த்தினி' என்று கொடுக்கப்பட்டுள்ளது.

Top

மேற்கோள்கள்
⁴ - வல்மீக ஜாதுனிகி - புற்றிலுதித்தோன் - வால்மீகி முனி. 'வால்மீகி', முன்னர், ஒரு வேடனாக, காடுகளில் வழிப்பறி செய்து, வாழ்க்கை நடத்திக்கொண்டிருந்ததாகவும், நாரதர், அவருக்கு நல்வழி காட்டி, ராம நாமத்தினை உபதேசித்ததாக பரம்பரைக் கதை (Dhyana, Japa, Mantra, Guru, and Avatar) கூறும். ஆனால், இதற்கு ஆதாரமென்ன என்று தெரியவில்லை. மோனியரின் 'சமஸ்கிருத அகராதி', வால்மீகி, ஒரு அந்தணர் என்றும், அவருக்கு அயோத்தி மன்னர்களுடன் தொடர்பு இருந்ததாகக் கூறும். அந்த அகராதியிலும், இந்த பரம்பரைக் கதையினைப் பற்றியும் கூறப்பட்டுள்ளது..

⁵ - ஸாம கா₃ன லோலுடௌ₃ - சாம கானத்தினை விரும்புவோன். சிவனைக் குறிக்கும். பார்வதி, விஷ்ணு ஸஹஸ்ர நாமத்தினை, பண்டிதர்களால் ஓதக் கேட்க விரும்புவதாக, சிவனிடம் கூற, 'ராம ராம ராம' என்று செபித்தாலே, விஷ்ணு ஸஹஸ்ர நாமத்தினை ஓதிய பலன் கிடைக்கும் என, சிவன் பதில் கூறினார். (விஷ்ணு ஸஹஸ்ர நாமத்தின் பயன் படலத்தினை நோக்கவும்.)

Top

விளக்கம்
¹ - ஸாரமே கானி - பல்லவியில் இதற்கு 'சாரமேயற்ற' என்றும், அனுபல்லவியின் 'ராம நாமமே' என்ற சொற்களுடன் இணைக்கையில், 'சாரமேயன்றி' என்றும் பொருள்படும்.

² -ஏடிகே - எதற்கடி - மனத்தினை பெண்பாலில் தியாகராஜர் விளிக்கின்றார்

³ - ஸ₁ரத₃ம்பு₃த₃ - இலையுதிர்கால முகில் - இலையுதிர் காலத்தில் ஆகாயம் மேகங்களின்றி தெளிவாக இருக்கும். அப்படி மேகங்களிருந்தாலும், அவை, மழை கொடுக்காதாகையினால், வெண்ணிறமாக இருக்கும்.

Top

சஞ்சாரி - திரிபவர்
முற்றிலும் தூயோன் - சரணடைந்தோரைப் பேணும் விருதேந்துவோன் - இராமன்
பரீட்சித்து - கலியை வென்ற மன்னன்
சாமகானம் - சாம வேதத்தினை ஓதல்
தியாகராசனுக்கு நலனருள்வோன் - சிவன்
ஆதி கௌரி - பார்வதி
சிங்காரி - பார்வதியைக் குறிக்கும்.

Top

---

Updated on 19 Apr 2010