தியாகராஜ கிருதி - ஸி1வ ஸி1வ - ராகம் பந்துவராளி - Siva Siva - Raga Pantuvarali

பல்லவி
ஸி₁வ ஸி₁வ ¹ஸி₁வயன ராதா₃ ஓரி

²அனுபல்லவி
ப₄வ ப₄ய பா₃த₄லனணசுகோ ராதா₃ (ஸி₁)

சரணம்
சரணம் 1
³காமாது₃ல தெக₃ கோஸி பர
பா₄மல பருல த₄னமுல ரோஸி
பாமரத்வமுனெட₃பா₃ஸி அதி
⁴நேமமுதோ பி₃ல்வார்சன ஜேஸி (ஸி₁)

---

சரணம் 2
ஸஜ்ஜன க₃ணமுல காஞ்சி ஓரி
⁵முஜ்-ஜக₃தீ₃ஸ்₁வருலனி மதினெஞ்சி
⁶லஜ்ஜாது₃ல தொலகி₃ஞ்சி தன
⁷ஹ்ரு₂ஜ்-ஜலஜமுனனு தா பூஜிஞ்சி (ஸி₁)

---

சரணம் 3
ஆக₃மமுல நுதியிஞ்சி ப₃ஹு
பா₃கு₃ லேனி பா₄ஷலு சாலிஞ்சி
பா₄க₃வதுலதோ போஷிஞ்சி ⁸வர
த்யாக₃ராஜ ஸன்னுதுட₃னியெஞ்சி (ஸி₁)

---

பொருள் - சுருக்கம்
அன்பர்காள்!

• 'சிவ சிவ சிவ' யெனலாகாதா?
  
• (அதனால்) பிறவி அச்சமெனும் தொல்லைகளை அடக்கலாகாதா?
  
  
  • இச்சை ஆகியவற்றினை அற வீழ்த்தி,
    
  • பிற மாதர், பிறர் செல்வத்தினை வெறுத்தொதுக்கி,
    
  • அறிவீனத்தினை யொழித்து,
    
  • மிக்கு நியமத்துடன் வில்வ அருச்சனை செய்து,
  
  
• 'சிவ சிவ சிவ' யெனலாகாதா?
  
  
  • நன்மக்களின் இணக்கம் கொண்டு,
    
  • (சிவன்) மூவுலகங்களின் ஈசனென மனத்தினிலெண்ணி,
    
  • நாணம் முதலானவற்றை விடுத்து,
    
  • தனது இதயக் கமலத்தினில் தான் (அவனைத்) தொழுது,
  
  
• 'சிவ சிவ சிவ' யெனலாகாதா?
  
  
  • ஆகமங்களைப் போற்றி,
    
  • முற்றிலும் பயனற்ற சொற்கள் போதுமென்று,
    
  • பாகவதர்களுடன் (கூடி) (இறைவனை) கொண்டாடி,
    
  • தியாகராசன் சிறக்கப் போற்றும் மேலோனெனக் கருதி,
  
  
• 'சிவ சிவ சிவ' யெனலாகாதா?

---

பதம் பிரித்தல் - பொருள்
பல்லவி
ஸி₁வ/ ஸி₁வ/ ஸி₁வ/-அன ராதா₃/ ஓரி/
'சிவ/ சிவ/ சிவ'/ எனலாகாதா,/ அன்பர்காள்/

---

அனுபல்லவி
ப₄வ/ ப₄ய/ பா₃த₄லனு/-அணசுகோ ராதா₃/ (ஸி₁)
(அதனால்) பிறவி/ அச்சமெனும்/ தொல்லைகளை/ அடக்கலாகாதா/

---

சரணம்
சரணம் 1
காம/-ஆது₃ல/ தெக₃/ கோஸி/ பர/
இச்சை/ ஆகியவற்றினை/ அற/ வீழ்த்தி/ பிற/

பா₄மல/ பருல/ த₄னமுல/ ரோஸி/
மாதர்/ பிறர்/ செல்வத்தினை/ வெறுத்தொதுக்கி/

பாமரத்வமுனு/-எட₃பா₃ஸி/ அதி/
அறிவீனத்தினை/ யொழித்து/ மிக்கு/

நேமமுதோ/ பி₃ல்வ/-அர்சன/ ஜேஸி/ (ஸி₁)
நியமத்துடன்/ வில்வ/ அருச்சனை/ செய்து/ சிவ சிவ...

---

சரணம் 2
ஸஜ்ஜன க₃ணமுல/ காஞ்சி/ ஓரி/
நன்மக்களின்/ இணக்கம் கொண்டு/ அன்பர்காள்/

மூடு₃/-ஜக₃த்/-ஈஸ்₁வருலு/-அனி/ மதினி/-எஞ்சி/
(சிவன்) மூன்று/ உலகங்களின்/ ஈசன்/ என/ மனத்தினில்/ எண்ணி/

லஜ்ஜா/-ஆது₃ல/ தொலகி₃ஞ்சி/ தன/
நாணம்/ முதலானவற்றை/ விடுத்து/ தனது/

ஹ்ரு₂த்/-ஜலஜமுனனு/ தா/ பூஜிஞ்சி/ (ஸி₁)
இதய/ கமலத்தினில்/ தான்/ (அவனைத்) தொழுது/ சிவ சிவ...

---

சரணம் 3
ஆக₃மமுல/ நுதியிஞ்சி/ ப₃ஹு/
ஆகமங்களை/ போற்றி/ முற்றிலும்/

பா₃கு₃/ லேனி/ பா₄ஷலு/ சாலிஞ்சி/
பயன்/ அற்ற/ சொற்கள்/ போதுமென்று/

பா₄க₃வதுலதோ/ போஷிஞ்சி/ வர/
பாகவதர்களுடன் (கூடி)/ (இறைவனை) கொண்டாடி/ மேலோன்/

த்யாக₃ராஜ/ ஸன்னுதுடு₃/-அனி/-எஞ்சி/ (ஸி₁)
தியாகராசன்/ சிறக்கப் போற்றுவோன்/ என/ கருதி/ சிவ சிவ...

---

குறிப்புக்கள் - (Notes)
வேறுபாடுகள் - (Pathanthara)
சில புத்தகங்களில், இப்பாடலின் ராகம் 'காமவர்த்தினி' என்று கொடுக்கப்பட்டுள்ளது.

¹ - ஸி₁வயன ராதா₃ ஓரி - ஸி₁வயன ராதா₃.

² - அனுபல்லவி - சில புத்தகங்களில், அனுபல்லவி, பல்லவியின்
இரண்டாவது வரியாகக் கொடுக்கப்பட்டுள்ளது.

⁸ - வர த்யாக₃ராஜ - ஓரி த்யாக₃ராஜ.

Top

மேற்கோள்கள்
³ - காமாது₃ல - இச்சைகள் ஆகியவை - இச்சை முதலான உட்பகை ஆறு.

⁴ - நேமமுதோ - நியமத்துடன் - 'பதஞ்சலி யோக சூத்திர'த்தினில் (II.32) கூறப்படும் நியமங்களாவன - தூய்மை, மகிழ்ச்சி, தவம், ஓதல், இறைப்பற்று.

⁶ - லஜ்ஜாது₃ல - நாணம் முதலானவை - இறைவனின் நாமம் உரைப்பதற்கு நாணம் கூடாதென. பாகவதர்களின் பஜனையில், தியான ச்லோகத்தில், இறைவனின் வாக்கு -

"நாணத்தினை விட்டு, எவன் எனது நாமங்களை எவ்வமயமும் உரைக்கின்றானோ,
அவன், தொண்டர்களின் இணக்கத்தினைப் பெற்று, என்னுடைய பதத்தினை அடைகின்றான்."

Top

⁷ - ஹ்ரு₂ஜ்-ஜலஜமுனனு - இதயக் கமலத்தினில் - ஆதி சங்கரர் இயற்றிய 'சிவானந்த லஹரி'யில் (9) கூறப்பட்டது -

"ஆழந்த ஏரிகளிலும், மனிதர்களற்ற கொடிய காடுகளிலும்,
பரந்த மலைகளிலும் திரிவர், மலர்களுக்காக, முட்டாள்கள்;
ஏ உமை மணாளா! உனக்குத் தனதோர் இதயக் கமலத்தினை அர்ப்பித்து,
களிப்புடனிருக்க மக்கள் அறிந்திலர், ஏனோ? அந்தோ!"
(ஸ்வாமி தபஸ்யானந்தாவின் ஆங்கில மொழிபெயர்ப்பின் தமிழாக்கம்)

Top

விளக்கம்
⁵ - முஜ்-ஜக₃தீ₃ஸ்₁வருலனி - மூவுலகங்களின் ஈசன் - சில புத்தகங்களில், இதனை, இதற்கு முன் வரும், 'நன்மக்களை'க் குறிப்பதாகக் கொள்ளப்பட்டுள்ளது. 'ஈஸ்₁வருலு' என்று பன்மையில் இருப்பதனால், அப்படிக் கொள்ளப்பட்டிருக்கலாம். ஆனால், தமிழைப் போலவே, தெலுங்கிலும், மரியாதைப் பன்மையுண்டு. இவ்விடத்தில், இஃது, மரியாதைப் பன்மையாகும். மேலும், இதனை அடுத்துவரும், 'தனது இதயக்கமலத்தினில் தொழுது' என்பதனால், இது 'சிவனை'யே குறிக்கும்.

ஆகமங்களைப் போற்றி - ஆகமங்களின் நெறியில் இறைவனைப் போற்றி.

Top

---

Updated on 17 Apr 2010