ஸ்ரீ ராம பாத3மா - ராகம் அம்ரு2த வாஹினி - Sri Rama Paadama - Raga Amrta Vaahini

பல்லவி
ஸ்ரீ ராம பாத₃மா நீ க்ரு₂ப சாலுனே
சித்தானிகி ராவே

அனுபல்லவி
வாரிஜ ப₄வ ஸனக ஸனந்த₃ன
வாஸவாதி₃ நாரது₃லெல்ல பூஜிஞ்சே (ஸ்ரீ)

சரணம்
¹தா₃ரினி ஸி₁லயை தாபமு தாளக
வாரமு கன்னீருனு ரால்சக₃
²ஸூ₁ர அஹல்யனு ஜூசி ப்₃ரோசிதிவி
ஆ ரீதி த₄ன்யு ஸேயவே த்யாக₃ராஜ கே₃யமா (ஸ்ரீ)

---

பொருள் - சுருக்கம்
மலரோன், சனகர், சனந்தனர், வாசவன், நாரதர் ஆகியோர் தொழும், தியாகராசனால் பாடப்பெற்ற, இராமனின் திருவடியே!

உனது கிருபை போதுமே; எனதுள்ளத்துள் வாராய்!

வழியில் கல்லாகி, வெம்மை தாளாது, எவ்வமயமும் கண்ணீர் உதிர்த்திருந்த அகலிகையைக் கண்டு காத்தாய்;

அவ்விதம் (என்னையும்) பேறுறச்செய்வாய்;

---

பதம் பிரித்தல் - பொருள்
பல்லவி
ஸ்ரீ ராம/ பாத₃மா/ நீ/ க்ரு₂ப/ சாலுனே/
ஸ்ரீ ராமனின்/ திருவடியே/ உனது/ கிருபை/ போதுமே/

சித்தானிகி/ ராவே/
(எனது) உள்ளத்துள்/ வாராய்/

---

அனுபல்லவி
வாரிஜ ப₄வ/ ஸனக/ ஸனந்த₃ன/
மலரோன்/ சனகர்/ சனந்தனர்/

வாஸவ/-ஆதி₃/ நாரது₃லு/-எல்ல/ பூஜிஞ்சே/
வாசவன்/ முதலாக/ நாரதர்/ ஆகியோரும்/ தொழும்/ இராமனின் ...

---

சரணம்
தா₃ரினி/ ஸி₁லயை/ தாபமு/ தாளக/
வழியில்/ கல்லாகி/ வெம்மை/ தாளாது/

வாரமு/ கன்னீருனு/ ரால்சக₃/
எவ்வமயமும்/ கண்ணீரை/ உதிர்க்க/

ஸூ₁ர/ அஹல்யனு/ ஜூசி/ ப்₃ரோசிதிவி/
சூர/ அகலிகையை/ கண்டு/ காத்தாய்/

ஆ ரீதி/ த₄ன்யு ஸேயவே/ த்யாக₃ராஜ/ கே₃யமா/
அவ்விதம்/ பேறுறச்செய்வாய்/ தியாகராசனால்/ பாடப்பெற்ற/
இராமனின்...

---

குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்

விளக்கம்

¹தா₃ரினி ஸி₁லயை - வழியில் கல்லாகி - அகலிகை, தனது கணவர் கௌதம முனிவரால், கல்லாக சாபமிடப்பட்டாள் என நம்புகின்றோம். ஆனால் வால்மீகி ராமாயணம் அவள் சாம்பலாக சாபமிடப்பட்டாள் என்று கூறும்.
வால்மீகி ராமாயணம் - அகலிகையின் சாபம் நோக்க

²ஸூ₁ர அஹல்ய - கௌதம முனிவர் ஆசிரமத்தில் இல்லாத நேரத்தில், இந்திரன், கௌதம முனிவரின் வேடத்தில் வந்து அகலிகையுடன் கலவி கொண்டான். வந்திருப்பது தனது கணவன் அல்லவென்றறி்ந்தும் அகலிகை அதற்கு உடன்பட்டாள். இதனையறிந்த கௌதம முனிவர் இந்திரனையும் தனது மனைவியையும் சபித்தார். ராமனால் அகலிகைக்கு சாப விமோசனம் கிட்டும் என்றும் விதித்தார்.

மலரோன் - பிரமன்

சனகர், சனந்தனர் - பிரமனின் மைந்தர்கள்.

வாசவன் - இந்திரன்
Top

---