தியாகராஜ கிருதி - விது3லகு ம்ரொக்கெத3 - ராகம் மாயா மாளவ கௌ3ள - Vidulaku Mrokkeda - Raga Mayamalava Gaula

பல்லவி
விது₃லகு ம்ரொக்கெத₃ ஸங்கீ₃த கோ(விது₃லகு)

அனுபல்லவி
முத₃முன ¹ஸ₁ங்கர க்ரு₂த ²ஸாம நிக₃ம
விது₃லகு ³நாதா₃த்மக ஸப்த ஸ்வர (வி)

சரணம்
கமலா கௌ₃ரீ வாகீ₃ஸ்₁வரீ விதி₄
க₃ருட₃ த்₄வஜ ஸி₁வ நாரது₃லு
அமரேஸ₁ ⁴ப₄ரத ⁵காஸ்₁யப ⁶சண்டீ₃ஸ₁
ஆஞ்ஜனேய கு₃ஹ க₃ஜ முகு₂லு
⁷ஸு-ம்ரு₂கண்டு₃ஜ கும்ப₄ஜ தும்பு₃ரு வர
⁸ஸோமேஸ்₁வர ⁹ஸா₁ர்ங்க₃ தே₃வ ¹⁰நந்தீ₃
ப்ரமுகு₂லகு த்யாக₃ராஜ வந்த்₃யுலகு
ப்₃ரஹ்மானந்த₃ ஸுதா₄ம்பு₃தி₄ மர்ம (வி)

---

பொருள் - சுருக்கம்

• இசை வல்லுனர்களை வணங்கினேன்
  
  
  • சங்கரனால் இயற்றப்பெற்ற சாம வேத வல்லுனர்களை,
    
  • நாதவடிவான ஏழு சுரங்களின் வல்லுனர்களைக்
  
  
• களிப்புடன் வணங்கினேன்
  
  
  • கமலா, கௌரி, நாமகள், நான்முகன், கருடன் கொடியோன், சிவன், நாரதர் ஆகியோர்,
    
  • வானோர் தலைவன், பரதர், கசியபர், சண்டேசுரர், அனுமன், குகன், யானைமுகத்தோன் ஆகியோர்,
    
  • மார்க்கண்டேயர், குடமுனி, தும்புரு, உயர் சோமேசுரர், சார்ங்கதேவர், நந்தி ஆகிய தலைசிறந்தோரை,
    
  • தியாகராசனால் வணங்கப்படுவோரை,
    
  • (மற்றும்) பேரானந்த அமிழ்தக்கடலின் மருமத்தினை யறிந்த
  
  
• (இசை) வல்லுனர்களை வணங்கினேன்

---

பதம் பிரித்தல் - பொருள்
பல்லவி
(கோ)விது₃லகு/ ம்ரொக்கெத₃/ ஸங்கீ₃த/ கோ(விது₃லகு)
வல்லுனர்களை/ வணங்கினேன்/ இசை/ வல்லுனர்களை

---

அனுபல்லவி
முத₃முன/ ஸ₁ங்கர/ க்ரு₂த/ ஸாம/ நிக₃ம/
களிப்புடன்/ சங்கரனால்/ இயற்றப்பெற்ற/ சாம/ வேத/

விது₃லகு/ நாத₃/-ஆத்மக/ ஸப்த/ ஸ்வர/ (வி)
வல்லுனர்களை/ நாத/ வடிவான/ ஏழு/ சுரங்களின்/ வல்லுனர்களை...

---

சரணம்
கமலா/ கௌ₃ரீ/ வாக்/-ஈஸ்₁வரீ/ விதி₄/
கமலா/ கௌரி/ நா/ மகள்/ நான்முகன்/

க₃ருட₃/ த்₄வஜ/ ஸி₁வ/ நாரது₃லு/
கருடன்/ கொடியோன்/ சிவன்/ நாரதர் ஆகியோர்/

அமர/-ஈஸ₁/ ப₄ரத/ காஸ்₁யப/ சண்டீ₃ஸ₁/
வானோர்/ தலைவன்/ பரதர்/ கசியபர்/ சண்டேசுரர்/

ஆஞ்ஜனேய/ கு₃ஹ/ க₃ஜ/ முகு₂லு/
அனுமன்/ குகன்/ யானை/ முகத்தோன் ஆகியோர்/

ஸு-ம்ரு₂கண்டு₃ஜ/ கும்ப₄ஜ/ தும்பு₃ரு/ வர/
மார்க்கண்டேயர்/ குடமுனி/ தும்புரு/ உயர்/

ஸோமேஸ்₁வர/ ஸா₁ர்ங்க₃/ தே₃வ/ நந்தீ₃/
சோமேசுரர்/ சார்ங்க/ தேவர்/ நந்தி (ஆகிய)/

ப்ரமுகு₂லகு/ த்யாக₃ராஜ/ வந்த்₃யுலகு/
தலைசிறந்தோரை/ தியாகராசனால்/ வணங்கப்படுவோரை/

ப்₃ரஹ்மானந்த₃/ ஸுதா₄/-அம்பு₃தி₄/ மர்ம/ (வி)
(மற்றும்) பேரானந்த/ அமிழ்த/ கடலின்/ மருமத்தினை (யறிந்த)/ வல்லுனர்களை...

---

குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்
² - ஸாம நிக₃ம - திரு AS பஞ்சாபகேச ஐயர் அவர்களின் ‘karnAtaka sangIta SAstra’ என்ற புத்தகத்தில் (3-வது பக்கம்), 'ருக்' மற்றும் 'யஜுர்' வேதங்களில், மூன்று சுரங்கள் மட்டுமே யுள்ளன என்றும், ஆனால், 'சாம' வேதத்தினில், ஏழு சுரங்களும் உள்ளன என்று கூறப்பட்டுள்ளது. அதனால்தானே என்னவோ, 'சாம வேதம் ஓதலை', 'சாம கானம்' எனப்படுகின்றது.

சங்கீத வல்லுனர்களுடன், சாம வேத வல்லுனர்களையும் குறிப்பிட்டுள்ளதனால் (ஸாம நிக₃ம விது₃லகு), சாம வேத வல்லுனர்கள், சங்கீத வல்லுனர்களும் ஆவர் என்றும் கொள்ளலாம்.

உரையின் ரசம் கவிதை; கவிதையின் ரசம் இசை; பிரணவ வடிவான சாம வேத கானம் (உத்₃கீ₃த) இசையின் ரசமாம். எனவே, ஓங்காரம் (பிரணவ நாதம்) மிக்குயர்ந்தது, மிக்கு மதிப்புள்ளது, அனைத்து ரசங்களுக்கும் ரசமானது. சாம வேதம் மற்றும் இசைக்கும் உள்ள தொடர்பு பற்றி கட்டுரை நோக்கவும்.

Top

³ - நாத₃ - நாதம் என்பது, இயற்கையில் உள்ள (இசைக்கப்படாத) ஒலிகளையும் (அனாஹத நாதம்) மற்றும், இசைக்கப்படும் ஒலிகளையும் (அஹத நாதம்) குறிக்கும். கபீர் தாஸர் 'அனாஹத நாதம் நிரந்தரமாக ஒலித்துக்கொண்டிருக்கின்றது' என்று கூறுகின்றார். அனாஹத நாதத்தினைப் பற்றி விவரங்கள் ஸ்வாமி சிவானந்தரின் ‘kuNDalini yOga’ (download pdf) என்ற e-book-ல் காணலாம்.

தியாகராஜர், தமது 'வர ராக₃ லயக்₃ஞுலு' என்ற கீர்த்தனையில், 'உடம்பில் உண்டாகும் நாதம்' என்று குறிப்பிடுகின்றார். லலிதா ஸஹஸ்ர நாமத்தில், அம்மையின் பெயர், 'பரா', 'பஸ்₁யந்தீ', 'மத்₄யமா', 'வைக₂ரீ ரூபா' என்று கூறப்பட்டுள்ளது.

'பஸ்₁யந்தீ' (செவிக்குக் கேளாதது), 'வைக₂ரீ' (செவிக்குக் கேட்பது), 'மத்₄யமா' (இவை இரண்டிற்கும் இடைப்பட்ட நிலை) - ஆகிய மூன்று நி்லைகளையும் கடந்த 'நாத நிலை', 'பரா' எனப்படும். (ஸ்வாமி தபஸ்யானந்தாவின் ஆங்கில மொழிபெயர்ப்பின் தமிழாக்கம்). காஞ்சி மாமுனிவரின் விளக்கம் (Page 30) நோக்கவும்.

Top

⁴ - ப₄ரத - 'நாட்டிய சாத்திரம்' இயற்றிய பரத முனிவர்.

⁵ - காஸ்₁யப - தேவர்கள் மற்றும், அசுரர்களுக்குத் தந்தை 'காசியபர்' எனப்படுவார். தசரதன் மற்றும் ராமனுடைய அவையில், வாமதேவர், வசிஷ்டர், ஜாபாலி மற்றும் மார்க்கண்டேயருடன் காசியபரும் (ஏழு ரிஷிகளில் ஒருவர்) புரோகிதராக இருந்தார். இவர்களில் யாரை தியாகராஜர் குறிப்பிடுகின்றார் என்று தெரியவில்லை.

⁶ - சண்டீ₃ஸ₁ - சண்டேசுரர் - சிவனின் வடிவங்களில் ஒன்று.

⁷ - ஸு-ம்ரு₂கண்டு₃ஜ - மார்க்கண்டேயர்

Top

⁸ - ஸோமேஸ்₁வர - 17-வது நூற்றாண்டில் வாழ்ந்த, 'ராக₃ விபோ₃த₄' என்ற இசை நூல் இயற்றிய சோமநாதர் என்பவரை, தியாகராஜர், 'ஸோமேஸ்வர' என்று குறிப்பிடுகின்றார் எனக் கருதுகின்றேன்.

⁹ - ஸா₁ர்ங்க₃ தே₃வ - சார்ங்க தேவ - ‘சங்கீத ரத்னாகர’ என்ற இசை நூலினை இயற்றி்யவர். 13-வது நூற்றாண்டில் இந்நூல் இயற்றப்பெற்றது.

¹⁰ - நந்தீ₃ - சிவன் தாண்டவம் ஆடியபோது, நந்தி மிருதங்கம் வாசித்ததாகக் கூறப்படும். ஆனால், திருமூலரின் 'திருமந்திர'த்தில், 'நந்தி' என்பது 'பரம்பொருளின் ஒரு பெயர்' என்று கூறப்பட்டுள்ளது.

Top

விளக்கம்
¹ - ஸ₁ங்கர க்ரு₂த - சங்கரனால் இயற்றப்பெற்ற (சாம வேதம்). தியாகராஜர், தமது 'நாத₃ தனுமனிஸ₁ம்' என்ற கீர்த்தனையில், சங்கரனை, 'நாத உருவினன்' என்று கூறுகின்றார். 'ராக₁ ஸுதா₄ ரஸ' என்ற கீர்த்தனையில், 'சதாசிவனின் மயமான நாதோங்கார சுரங்களை அறிந்தோர்' என்கின்றார். எனவே, இங்கு 'சங்கரன்' எனப்படுவது பரம்பொருளாகிய 'சதாசிவ'னைக் குறிக்கும். மும்மூர்த்திகளில் ஒருவரான சிவனைப் பற்றி, சரணத்தில் தனியாகக் கூறப்பட்டுள்ளது.

கருடன் கொடியோன் - அரி
குகன் - முருகன்
குடமுனி - அகத்தியர்

Top

---

Updated on 25 Nov 2010