தியாகராஜ கிருதி - ஸாதி4ஞ்சனே - ராகம் ஆரபி4 - Sadhinchene - Raga Arabhi

பல்லவி
¹ஸாதி₄ஞ்செனே ஓ மனஸா

அனுபல்லவி
போ₃தி₄ஞ்சின ²ஸன்மார்க₃ வசனமுல
பொ₃ங்கு ஜேஸி தா பட்டின பட்டு (ஸா)

சரணம்
³ஸமயானிகி தகு₃ மாடலாடெ₃னே

---

ஸ்வர ஸாஹித்ய 1
⁴தே₃வகி வஸு தே₃வுலனேகிஞ்சினடு (ஸம)

---

ஸ்வர ஸாஹித்ய 2
ரங்கே₃ஸு₁டு₃ ⁵ஸத்₃க₃ங்கா₃ ஜனகுடு₃
⁶ஸங்கீ₃த ஸாம்ப்ரதா₃யகுடு₃ (ஸம)

---

ஸ்வர ஸாஹித்ய 3
⁷கோ₃பீ ஜன மனோரத₂மொஸங்க₃
லேகனே கே₃லியு ⁸ஜேஸே வாடு₃ (ஸம)

---

ஸ்வர ஸாஹித்ய 4
வனிதல ஸதா₃ ஸொக்க ஜேயுசுனு
ம்ரொக்க ஜேஸே பரமாத்முட₃தி₃யு கா₃க
யஸோ₁த₃ தனயுட₃ஞ்சு முத₃ம்பு₃னனு
⁹முத்₃து₃ பெட்ட நவ்வுசுண்டு₃ ஹரி (ஸம)

---

¹⁰ஸ்வர ஸாஹித்ய 4A
¹¹ஸாராஸாருடு₃ ஸனக ஸனந்த₃ன
ஸன்முனி ஸேவ்யுடு₃ ஸகலாதா₄ருடு₃ (ஸம)

---

ஸ்வர ஸாஹித்ய 5
பரம ப₄க்த வத்ஸலுடு₃ ஸுகு₃ண
¹²பாராவாருண்டா₃ஜன்மமனகு₄டீ₃
கலி பா₃த₄ல தீர்சுவாட₃னுசு நே
¹³ஹ்ரு₂த₃ம்பு₃ஜமுன ஜூசுசுண்ட₃க₃ (ஸம)

---

ஸ்வர ஸாஹித்ய 6
ஹரே ராம சந்த்₃ர ரகு₄ குலேஸ₁
ம்ரு₂து₃ ஸுபா₄ஷ ஸே₁ஷ ஸ₁யன
¹⁴பர நாரீ ஸோத₃ராஜ விராஜ துரக₃
ராஜ ராஜ நுத நிராமயாபக₄ன
ஸரஸீருஹ த₃ளாக்ஷயனுசு
வேடு₃கொன்ன நன்னு தா ப்₃ரோவகனு (ஸம)

---

ஸ்வர ஸாஹித்ய 7
ஸ்ரீ வேங்கடேஸ₁ ¹⁵ஸ்வப்ரகாஸ₁
ஸர்வோன்னத ஸஜ்ஜன மானஸ நிகேதன
கனகாம்ப₃ர த₄ர லஸன்மகுட
குண்ட₃ல விராஜித ஹரேயனுசு நே
¹⁶பொக₃ட₃கா₃ த்யாக₃ராஜ கே₃யுடு₃
மானவேந்த்₃ருடை₃ன ராம சந்த்₃ருடு₃ (ஸம)

---

caraNam
ஸமயானிகி தகு₃ மாடலாடெ₃னே
¹⁷ஸத்₃ப₄க்துல நட₃தலிட்லனெனே
அமரிககா₃ நா பூஜ கொனெனே
அலுக வத்₃த₃னெனே
விமுகு₂லதோ சேர போகுமனெனே
¹⁸வெத கலிகி₃ன தாளுகொம்மனெனே
¹⁹த₃ம ஸ₁மாதி₃ ஸுக₂ தா₃யகுட₃கு₃ ஸ்ரீ
த்யாக₃ராஜ நுதுடு₃ செந்த ராகனே (ஸா)

---

பொருள் - சுருக்கம்
ஓ மனமே!

• சாதித்தானே;


• போதித்த நன்னெறிச் சொற்களைப் பொய்யாக்கி, தான் பிடித்த பிடியைச் சாதித்தானே;


• சமயத்திற்குத் தகு மொழி பகன்றானே!


• தேவகி, வசு தேவர்களைப் பழித்ததுபோலும், சமயத்திற்குத் தகு மொழி பகன்றானே!


• அரங்க நாதன், புனித கங்கையினை ஈன்றோன், இசை பரம்பரையினன், சமயத்திற்குத் தகு மொழி பகன்றானே!


• கோபியர்களின் உள்ள விழைவினை யளிக்காது, கேலி செய்பவன், சமயத்திற்குத் தகு மொழி பகன்றானே!


• வனிதையரை எவ்வமயமும் சொக்கவைத்து, வணங்கவும் வைக்கும் பரம்பொருள், மேலும் யசோதை, மைந்தனெனக் களிப்புடன் முத்தமிட, நகைத்திருக்கும் அரி, சமயத்திற்குத் தகு மொழி பகன்றானே!


• சாரமும் சாரமற்றவையுமானவன், சனகர், சனந்தனர் முதலான உயர் முனிவர்களால் வணங்கப் பட்டவன், யாவற்றிற்கும் ஆதாரமானவன், சமயத்திற்குத் தகு மொழி பகன்றானே!


• தொண்டர்களிடம் மிக்கு கனிவுடையோன், நற்குணக் கடல், வாழ்நாள் முழுதும் பாவங்களற்றவன், இக்கலியின் தொல்லைகளைத் தீர்ப்பவனென நான் இதயக் கமலத்தினில் கண்டுகொண்டிருக்க, சமயத்திற்குத் தகு மொழி பகன்றானே!


• ஐயா, இராம சந்திரா! இரகு குலத் தலைவா! மென்-இன்-சொல்லோனே! சேடன் அணையோனே! பரை நாரி சோதரனே! பிறவாதவனே! கருடன் மீது விரைவோனே! பேரரசர்களால் போற்றப் பெற்றோனே! நோயற்ற உடலோனே! தாமரையிதழ்க் கண்ணா! இங்ஙனம் வேண்டிக் கொண்ட என்னை அவன் காவாது சமயத்திற்குத் தகு மொழி பகன்றானே!


• திரு வேங்கடேசா! தன்னொளியோனே! தலைசிறந்தோனே! நன்மக்கள் இதயத்துறையே! பொன்னாடையணிவோனே! ஒளிரும் மகுட, குண்டலங்களுடன் திகழும் அரியே! என நான் போற்றியிருக்க, தியாகராசனால் பாடப்பெற்ற, மானவரின் தலைவனாகிய இராம சந்திரன் சமயத்திற்குத் தகு மொழி பகன்றானே!


• சமயத்திற்குத் தகு மொழி பகன்றானே!


• நற்றொண்டர்களின் நடத்தை இவ்விதமென்றானே;


• தக்கமுறையில் எனது வழிபாட்டினை யேற்றானே;


• அஞ்சேலென்றானே;


• (இறைவனை) நோக்காதவருடன் சேர வேண்டாமென்றானே;


• வேதனையுண்டானாலும் தாளச்சொன்னானே;


• தமம், சமம் ஆகியவற்றின் சுகத்தை யருள்வோனாகிய தியாகராசனால் போற்றப் பெற்றோன், அருகில் வாராமலே சாதித்தானே

---

பதம் பிரித்தல் - பொருள்
பல்லவி
ஸாதி₄ஞ்செனே/ ஓ மனஸா/
சாதித்தானே/ ஓ மனமே/

---

அனுபல்லவி
போ₃தி₄ஞ்சின/ ஸன்மார்க₃/ வசனமுல/
போதித்த/ நன்னெறி/ சொற்களை/

பொ₃ங்கு ஜேஸி/ தா/ பட்டின/ பட்டு/ (ஸா)
பொய்யாக்கி/ தான்/ பிடித்த/ பிடியை/ சாதித்தானே...

---

சரணம்
ஸமயானிகி/ தகு₃/ மாடலு/-ஆடெ₃னே/
சமயத்திற்கு/ தகு/ மொழி/ பகன்றானே/

---

ஸ்வர ஸாஹித்ய 1
தே₃வகி/ வஸு/ தே₃வுல/-ஏகிஞ்சின/-அடு/ (ஸம)
தேவகி/ வசு/ தேவர்களை/ பழித்தது/ போலும்/ சமயத்திற்கு...

---

ஸ்வர ஸாஹித்ய 2
ரங்க₃/-ஈஸு₁டு₃/ ஸத்₃/-க₃ங்கா₃/ ஜனகுடு₃/
அரங்க/ நாதன்/, புனித/ கங்கையினை/ ஈன்றோன்/

ஸங்கீ₃த/ ஸாம்ப்ரதா₃யகுடு₃/ (ஸம)
இசை/ பரம்பரையினன்/ சமயத்திற்கு...

---

ஸ்வர ஸாஹித்ய 3
கோ₃பீ ஜன/ மனோரத₂மு/-
கோபியர்களின்/ உள்ள விழைவினை/

ஒஸங்க₃ லேகனே/ கே₃லியு/ ஜேஸே வாடு₃/ (ஸம)
யளிக்காது/ கேலி/ செய்பவன்/ சமயத்திற்கு...

---

ஸ்வர ஸாஹித்ய 4
வனிதல/ ஸதா₃/ ஸொக்க ஜேயுசுனு/
வனிதையரை/ எவ்வமயமும்/ சொக்கவைத்து/

ம்ரொக்க/ ஜேஸே/ பரமாத்முடு₃/-அதி₃யு/ கா₃க/
வணங்கவும்/ வைக்கும்/ பரம்பொருள்/ (மேலும்) அஃது/ அன்றி

யஸோ₁த₃/ தனயுடு₃/-அஞ்சு/ முத₃ம்பு₃னனு/
யசோதை/ மைந்தன்/ என/ களிப்புடன்/

முத்₃து₃/ பெட்ட/ நவ்வுசு/-உண்டு₃/ ஹரி/ (ஸம)
முத்தம்/ இட/ நகைத்து/ இருக்கும்/ அரி/ சமயத்திற்கு...

---

ஸ்வர ஸாஹித்ய 4A
ஸார/-அஸாருடு₃/ ஸனக/ ஸனந்த₃ன/
சாரமும்/ சாரமற்றவையுமானவன்/ சனகர்/ சனந்தனர்/

ஸன்/-முனி/ ஸேவ்யுடு₃/ ஸகல/-ஆதா₄ருடு₃/ (ஸம)
(முதலான) உயர்/ முனிவர்களால்/ வணங்கப் பட்டவன்/ யாவற்றிற்கும்/ ஆதாரமானவன்/ சமயத்திற்கு...

---

ஸ்வர ஸாஹித்ய 5
பரம/ ப₄க்த/ வத்ஸலுடு₃/ ஸுகு₃ண/
மிக்கு/ தொண்டர்களிடம்/ கனிவுடையோன்/ நற்குண/

பாராவாருண்டு₃/-ஆஜன்மமு/-அனகு₄டு₃/-ஈ/
கடல்/ வாழ்நாள் முழுதும்/ பாவங்களற்றவன்/ இந்த/

கலி/ பா₃த₄ல/ தீர்சுவாடு₃/-அனுசு/ நே/
கலியின்/ தொல்லைகளை/ தீர்ப்பவன்/ என/ நான்/

ஹ்ரு₂த்/-அம்பு₃ஜமுன/ ஜூசுசு/-உண்ட₃க₃/ (ஸம)
இதய/ கமலத்தினில்/ கண்டுகொண்டு/ இருக்க/ சமயத்திற்கு...

---

ஸ்வர ஸாஹித்ய 6
ஹரே/ ராம/ சந்த்₃ர/ ரகு₄/ குல/-ஈஸ₁/
ஐயா/ இராம/ சந்திரா/ இரகு/ குல/ தலைவா/

ம்ரு₂து₃/ ஸு-/பா₄ஷ/ ஸே₁ஷ/ ஸ₁யன/
மென்/-இன்/-சொல்லோனே/ சேடன்/ அணையோனே/

பர/ நாரீ/ ஸோத₃ர/-அஜ/ விராஜ/ துரக₃/
பரை/ நாரி/ சோதரனே/ பிறவாதவனே/ கருடன்/ (மீது) விரைவோனே/

ராஜ ராஜ/ நுத/ நிராமய/-அபக₄ன/
பேரரசர்களால்/ போற்றப் பெற்றோனே/ நோயற்ற/ உடலோனே/

ஸரஸீ/-ருஹ/ த₃ள/-அக்ஷ/-அனுசு/
தாமரை/ இதழ்/ கண்ணா/ இங்ஙனம்/

வேடு₃கொன்ன/ நன்னு/ தா/ ப்₃ரோவகனு/ (ஸம)
வேண்டிக் கொண்ட/ என்னை/ அவன்/ காவாது/ சமயத்திற்கு...

---

ஸ்வர ஸாஹித்ய 7
ஸ்ரீ வேங்கடேஸ₁/ ஸ்வப்ரகாஸ₁/
திரு வேங்கடேசா/ தன்னொளியோனே/

ஸர்வ/-உன்னத/ ஸஜ்ஜன/ மானஸ/ நிகேதன/
யாவரிலும் (தலை)/ சிறந்தோனே/ நன்மக்கள்/ இதயத்து/ உறையே/

கனக/-அம்ப₃ர/ த₄ர/ லஸன்/-மகுட/
பொன்/ ஆடை/ அணிவோனே/ ஒளிரும்/ மகுட/

குண்ட₃ல/ விராஜித/ ஹரே/-அனுசு/ நே/
குண்டலங்களுடன்/ திகழும்/ அரியே/ என/ நான்/

பொக₃ட₃கா₃/ த்யாக₃ராஜ/ கே₃யுடு₃/
போற்றியிருக்க/ தியாகராசனால்/ பாடப்பெற்ற/

மானவ/-இந்த்₃ருடை₃ன/ ராம/ சந்த்₃ருடு₃/ (ஸம)
மானவரின்/ தலைவனாகிய/ இராம/ சந்திரன்/ சமயத்திற்கு...

---

சரணம்
ஸமயானிகி /தகு₃/ மாடலு/-ஆடெ₃னே/
சமயத்திற்கு/ தகு/ மொழி/ பகன்றானே/

ஸத்₃-ப₄க்துல/ நட₃தலு/-இட்லு/-அனெனே/
நற்றொண்டர்களின்/ நடத்தை/ இவ்விதம்/ என்றானே/

அமரிககா₃/ நா/ பூஜ/ கொனெனே/
தக்கமுறையில்/ எனது/ வழிபாட்டினை/ யேற்றானே/

அலுக வத்₃து₃/-அனெனே/
அஞ்சேல்/ என்றானே/

விமுகு₂லதோ/ சேர/ போகுமு/-அனெனே/
(இறைவனை) நோக்காதவருடன்/ சேர/ வேண்டாம்/ என்றானே/

வெத/ கலிகி₃ன/ தாளுகொம்மு/-அனெனே/
வேதனை/ உண்டானாலும்/ தாள/ சொன்னானே/

த₃ம/ ஸ₁ம/-ஆதி₃/ ஸுக₂/ தா₃யகுட₃கு₃/ ஸ்ரீ/
தமம்/ சமம்/ ஆகியவற்றின்/ சுகத்தை/ யருள்வோனாகிய/ ஸ்ரீ/

த்யாக₃ராஜ/ நுதுடு₃/ செந்த/ ராகனே/ (ஸா)
தியாகராசனால்/ போற்றப் பெற்றோன்/ அருகில்/ வாராமலே/ சாதித்தானே...

---

குறிப்புக்கள் - (Notes)
வேறுபாடுகள் - (Pathanthara)
³ - ஸமயானிகி - ஸமயாலகு.

⁴ - ஏகிஞ்சினடு - ஏகி₃ஞ்சினடு : எல்லா புத்தகங்களிலும், 'ஏகி₃ஞ்சினடு' என்று கொடுக்கப்பட்டுள்ளது. தெலுங்கில், 'ஏகு' - 'ஏகு₃' என்ற வெவ்வேறு பொருளுடைய, இரண்டு சொற்களுள்ளன. இவ்விடத்தில், 'பழித்தல்' என்ற பொருளுடைய 'ஏகு' என்ற சொல்லே பொருந்தும்.

⁸ - ஜேஸே - ஜேஸெடு₃.

⁹ - முத்₃து₃ பெட்ட - முத்₃து₃ பெட்டு : இவ்விடம், 'முத்₃து₃ பெட்ட' என்பதே பொருந்தும்.

¹⁰ - ஸ்வர ஸாஹித்ய 4A - இந்த ஸ்வர ஸாஹித்யம், திரு கோவிந்த ராவ் அவர்களின் 'Compositions of Tyagaraja' என்ற புத்தகத்தில் மட்டுமே கொடுக்கப்பட்டுள்ளது.

Top
¹⁵ - ஸ்வப்ரகாஸ₁ - ஸுப்ரகாஸ₁ : 'ஸ்வப்ரகாஸ₁' என்பதே சரியாகும் என்று கருதுகின்றேன்.

¹⁶ - பொக₃ட₃கா₃ - பொக₃ட₃க₃

¹⁸ - வெத கலிகி₃ன - வெத கலிகி₃தே.

Top

மேற்கோள்கள்
⁵ - ஸத்₃க₃ங்கா₃ ஜனகுடு₃ - புனித கங்கையினை ஈன்றவன் - வாமனாவதாரத்தில், இறைவனின் திருவடிகளை, பிரம்மா, தனது கமண்டல நீரினால் கழுவினான். இறைவன் திருவடிகளால் புனிதமடைந்த அந்த நீர், கங்கையாகப் பிறந்து, ஆகாயத்தினின்று இறங்கி, மூவுலகங்களையும் புனிதப்படுத்தியது. பாகவத புராணம் (8-வது புத்தகம், அத்தியாயம் 21, செய்யுள் 4 நோக்கவும்).

⁶ - ஸங்கீ₃த ஸாம்ப்ரதா₃யகுடு₃ - இசை பரம்பரையினன் - கண்ணனின் குழலிசையில் கோபியரென்ன, உலகமே மயங்கி நின்றது. தியாகராஜர், தனது 'ஸாமஜ வர க₃மன' என்ற கீர்த்தனையில், கண்ணனை, 'நாதமெனும் குள்றிலிட்ட விளக்கென'ப் புகழ்கின்றார்.

Top
⁷ - கோ₃பீ ஜன மனோரத₂மொஸங்க₃ லேகனே - கோபியரின் உள்ள விழைவினை அளிக்கமாலே - கண்ணன், கம்ஸனைக் கொல்ல, மதுரைக்கு செல்லுமுன், ஏங்கி நிற்கும் ஆய்ச்சியரை நோக்கி, தான், திரும்ப வருவதாக, உறுதியளித்தான். (பாகவத புராணம், 10-வது புத்தகம், 39-வது அத்தியாயம், 35-வது செய்யுள் நோக்கவும்.) ஆனால், கண்ணன் கோகுலத்திற்குத் திரும்பவில்லை.

¹² - ஆஜன்மமனகு₄டு₃ - வாழ்நாள் முழுதும் பாவங்களற்றவன் - பாகவத புராணத்தில் (10-வது புத்தகம், 22-வது அத்தியாயம், செய்யுட்கள் 25,26 - கோபியரின் ஆடைகளைத் திருடும் படலம்) கண்ணன், ஆய்ச்சியரை நோக்கிக் கூறுவது -

"கற்புடையோரே! என்னைத் தொழுவதற்கான உமது ஆசையை நானறிவேன். அது (அந்த ஆசை) முன்னமே என்னால் ஆமோதிக்கப்பட்டது. அது நிறைவேறும். உள்ளத்தினில், என்னிடம் பற்று கொண்டோரின், இன்பம் துய்க்கும் இச்சை, பயிரிட உதவாத, வறுத்த, அவிந்த தானியம் போன்று, புலன் நுகர்ச்சியற்றதாகும்."

Top
¹⁷ - ஸத்₃ப₄க்துல நட₃தலு - உண்மையான தொண்டர்களின் நடத்தை - தியாகராஜர் தனது 'கருண ஏலாக₃ண்டே' என்ற கீர்த்தனையில், இதனை விவரிக்கின்றார்.

உண்மையான தொண்டன், யாரிடமும் பொய் பகரான்; இழிந்தோரை, மன்னராகிலும், வேண்டான்; பகலவனை மறவான்; புலால் உண்ணான்; மது அருந்தான்; பிறருக்குத் துன்பம் இழையான்; போதனையை மறவான்; மூவாசையினை (மனைவி, மக்கள், செல்வம்) விழையான்; சீவன் முத்தனாகத் திரியும் ஆனந்தத்தினை வெளிப்படுத்தான்; யாரையும் ஏமாற்றான்; உள்ளமோ, அறிவோ, மயங்கினாலும், மெய்ந்நெறியினின்று வழுவான்; தான் சாட்சி மாத்திரமே, என்றுணர்ந்து, தனது நோக்கத்தினின்று மாறான்.

தியாகராஜர், தனது 'மனவினாலகிஞ்ச' என்ற கீர்த்தனையில், 'பிறவிக்கடலில் துயருறும் மானிடருக்காக, நல்லொழுக்கத்தினை, தான் நடந்து காட்டினான்' என்று கூறுகின்றார்.

¹⁹ - த₃ம ஸ₁மாதி - தமம், சமம் - மனம், இந்திரியங்களை அடக்குதல் ஆகிய 'ஷட்₃கு₃ண ஸம்பத்' எனப்படும் அறுவகையான செல்வங்கள்
Top

விளக்கம்
¹ - ஸாதி₄ஞ்செனே - சாதித்தானே. இந்த கீர்த்தனையின் கடைசியில், 'அருகினில் வாராது சாதித்தான்' என்று விளக்குகின்றார். இதற்கு, உதாரணங்களை, ஸ்வர ஸாஹித்யங்களில் குறிப்பிட்டு, இறைவன், தொண்டர்களிடம், இங்ஙனமே, அவர்களை சோதிப்பதற்காக, விளையாடுகின்றான், என்று மறைமுகமாகக் கூறுகின்றார்.

² - ஸன்மார்க₃ வசனமுல பொ₃ங்கு ஜேஸி - நன்னெறிச் சொற்களைப் பொய்யாக்கி - முதல் நான்கு ஸ்வர ஸாஹித்யங்கள் கண்ணனைப் பற்றி்யதாகும். நடத்தைகளில், கண்ணனுக்கும், ராமனுக்கும் மிக்கு வேறுபாடுகள் உள்ளன. ஆனால், கண்ணனின் நடத்தையின் உள் நோக்கத்தினை, ராமகிருஷ்ண பரமஹம்ஸர், ஆண்டாள், மீரா ஆகிய ஞானியரும், பெருந்தொண்டர்களுமே அறிவர். கண்ணனை, தியாகராஜர், இந்த கீர்த்தனையில், குறை கூறினாலும், கண்ணனுடன், கோபியர் சல்லாபித்ததனை (ராஸ் லீலா) விவரிக்கும் 'ஓடக்கதை' எனப்படும் 'நௌக சரித்திரத்தினில்' தியாகராஜர் தெளிவுபடுத்துகின்றார். கண்ணனுடைய நடத்தைகள் மேலுக்குத்தான் முரண்பாடானவை. கண்ணன் கோபியரின் ஆடைகளைத் திருடும் படலம் பற்றிய அன்னி பெஸண்ட் அம்மையாரின் விளக்கம் நோக்கவும்.

Top
³ - ஸமயானிகி தகு₃ மாடலாடெ₃னே - சமயத்திற்குத் தகுந்த சொற்களைப் பகன்றான் - தியாகராஜர், தனது, 'ஏமனி மாடாடி₃திவோ' என்ற கீர்த்தனையில், ராமனின், யாவரையும் கவரும், தருணத்திற்கேற்ற இனிய சொற்றிறனை, வியக்கின்றார். ஆனால் அவர் இங்கு கூறும் 'சமயத்திற்குத் தகுந்த' என்பது, தந்திரமாகப் பேசும் கண்ணனைப் பற்றியதாகும். அதனால்தான், 'நன்னெறிச் சொற்களை பொய்யாக்கி' என்று கூறியுள்ளார்.

⁴ - தே₃வகி வஸு தே₃வுலனேகிஞ்சினடு - சில புத்தகங்களில், இச்சொற்களுக்கு, 'தனது பெற்றோரைத் துயரத்திற்குள்ளாக்கினான்' என்று கூறப்பட்டுள்ளது. 'ஏகிஞ்சு' என்று தெலுங்கு சொல்லுக்கு, 'பழித்தல்' என்று பொருளாகும். எனவே, 'பெற்றோரைப் பழித்தது போலும்' என்று பொருள் கொள்ளப்பட்டது.

Top
⁹ - முத்₃து₃ பெட்ட நவ்வுசுண்டு - முத்தமிட நகைத்திருக்கும் - ராமாவதாரத்தில், ராமன், 'தான் ஒரு மனிதனே' என்று வெளிப்படையாகக் கூறி, மனிதருக்கு உகந்த முறையிலேயே தன்னை நடத்திக்கொண்டான். ஆனால், கண்ணனோ, குழவியிலிருந்தே, தனது லீலைகளைக் காட்டத் தொடங்கி, வாழ்நாள் முழுதும், பல விதமாக அனைவருடன் விளையாடினான். எனவே, 'கிருஷ்ணாவதாரம்', 'பூர்ண அவதாரம்' என்று வைணவர்கள் கருதுவர்.(தியாகராஜர், தனது, 'ரகு₄பதே ராம' என்ற கீர்த்தனையில், ராமனையே பூர்ண அவதாரம் என்கிறார்.) ஆயினும், யசோதையின் கண்களுக்கு, கண்ணன் ஒரு குழவியே. அதனால், தன்னை உணர்ந்த கண்ணன், தாய் முத்தமிடுகையில், நகைத்திருப்பதாகக் கூறுகின்றார். பாபநாசம் சிவன், தனது, 'என்ன தவம் செய்தனை' என்ற கீர்த்தனையில், 'பர பிரமம் 'அம்மா' என்றழைக்க, என்ன தவம் செய்தனை யசோதா?' என்று பரவசமாகக் கேட்கின்றார்.

¹¹ - ஸாராஸாருடு₃ - சாரமானதும் சாரமற்றதுமானவன் - பரம்பொருள், இங்ஙனம் என விவரிக்க இயலாததொன்றாகும். உலகத்தில் காணப்படும் அத்தனை முரண்பாடுகளும் பரம்பொருளில் அடக்கம். அதனால், இறைவனைப் புகழும், 'விஷ்ணு' மற்றும் 'லலிதா' ஸஹஸ்ர நாமங்களில் ஒன்றுக்கொன்று முரணான சொற்கள் பயன்படுத்தப்பட்டுள்ளன - 'வித்₃யா-அவித்₃யா' - 'அர்த₂-அனர்த₂' என. அது போன்றதே 'ஸார-அஸார' என்பதுவும்.

Top
¹³ - ஹ்ரு₂த₃ம்பு₃ஜமுன ஜூசுசுண்ட₃க₃ - இங்கு, 'இதயக் கமலத்தினில் கண்டுகொண்டிருக்க' என்று மொழிபெயர்க்கப்பட்டுள்ளது. ஆனால், 'இதயக் கமலத்தினில் வழி நோக்கியிருக்க' என்றும் பொருள் கொள்ளலாம். இது, கீர்த்தனையின் கடைசியில் கூறப்பட்ட, 'அருகினில் வாராது சாதித்தானே' என்பதுடன் ஒவ்வும்

¹⁴ - பர நாரீ ஸோத₃ர - பரை நாரி - பார்வதி : புத்தகங்களில், இதற்கு 'பிற பெண்டிருக்கு சோதரன் போன்று' என்று பொருள் கொள்ளப்பட்டுள்ளது. ஆனால், 'பர' என்பது பரம்பொருளினையும் குறிக்கும். அங்ஙனம், 'பர நாரி' என்பது பார்வதியைக் குறிக்கும் என நான் கருதுகின்றேன்.

தேவகி, வசு தேவர் - கண்ணனின் பெற்றோர்

Top

---

Updated on 05 Nov 2009