தியாகராஜ கிருதி - த3ண்ட3மு - ராகம் ப3லஹம்ஸ - Dandamu - Raga Balahamsa

பல்லவி
¹த₃ண்ட₃மு பெட்டெத₃னுரா கோத₃ண்ட₃ பாணி ஜூட₃ரா

அனுபல்லவி
²அண்ட₃ஜ ஸு-வாஹன ³மார்தாண்ட₃ சந்த்₃ர லோசன
குண்ட₃லி ஸ₁யன ப்₃ரஹ்மாண்ட₃ நாயக நீகு (த₃)

சரணம்
⁴பேருகா ப்ரதிஷ்ட₂கா ஊருகா நின்னு நம்மிதி
ஊருவாரு வீதி₄வாரு ஒக ⁵ஜாதிவாரு காரு
தா₃ரினி செயி பட்டி ப்₃ரோவுமு த்யாக₃ராஜார்சித நீகு (த₃)

---

பொருள் - சுருக்கம்
கோதண்டபாணீ! கருடனை நல் வாகனமாயுடையோனே! பரிதி மதி கண்களோனே! அரவணையிற்றுயில்வோனே! பேரண்டத் தலைவா! தியாகராசனால் தொழப்பெற்றோனே!

• உனக்கு தெண்டனிட்டேனய்யா; நோக்குவாயய்யா.


• பேருக்கா, பதவிக்கா, ஊருக்கா உன்னை நம்பினேன்?


• ஊரார், தெருவிலுள்ளோர் ஓரெண்ணத்தினரல்லர்;


• பாதையினில் கைப்பற்றிக் காப்பாயய்யா;(அல்லது)


• நன்னெறியினில் கைப்பற்றி நடத்துவாயய்யா.

---

பதம் பிரித்தல் - பொருள்
பல்லவி
த₃ண்ட₃மு/ பெட்டெத₃னுரா/ கோத₃ண்ட₃/ பாணி/ ஜூட₃ரா/
தெண்டன்/ இட்டேனய்யா/ கோதண்ட/ பாணீ/ நோக்குவாயய்யா/

---

அனுபல்லவி
அண்ட₃ஜ/ ஸு-வாஹன/ மார்தாண்ட₃/ சந்த்₃ர/ லோசன/
கருடனை/ நல் வாகனமாயுடையோனே/ பரிதி/ மதி/ கண்களோனே/

குண்ட₃லி/ ஸ₁யன/ ப்₃ரஹ்மாண்ட₃/ நாயக/ நீகு/ (த₃)
அரவு (அணையில்)/ துயில்வோனே/ பேரண்ட/ தலைவா/ உனக்கு/ தெண்டன்...

---

சரணம்
பேருகா/ ப்ரதிஷ்ட₂கா/ ஊருகா/ நின்னு/ நம்மிதி/
பேருக்கா/ பதவிக்கா/ ஊருக்கா/ உன்னை/ நம்பினேன்/

ஊருவாரு/ வீதி₄வாரு/ ஒக/ ஜாதிவாரு/ காரு/
ஊரார்/ தெருவிலுள்ளோர்/ ஒரு/ எண்ணத்தினர் (ஜாதியினர்)/ அல்லர்/

தா₃ரினி/ செயி/ பட்டி/ ப்₃ரோவுமு/ த்யாக₃ராஜ/-அர்சித/ நீகு/ (த₃)
பாதையினில்/ கை/ பற்றி/ காப்பாயய்யா/ தியாகராசனால்/ தொழப்பெற்றோனே/ உனக்கு/ தெண்டன்...

---

குறிப்புக்கள் - (Notes)
வேறுபாடுகள் - (Pathanthara)
¹ - த₃ண்ட₃மு பெட்டெத₃னுரா - த₃ண்ட₃மு பெட்டேனுரா.

Top

மேற்கோள்கள்
² - அண்ட₃ஜ - முட்டையினின்றுதித்த - கருடனைக் குறிக்கும். இந்து மதத்தினில் கருடனுக்கு உயர்ந்த இடமுண்டு. கருட புராணம் நோக்கவும்.

³ - மார்தாண்ட₃ - உயிரற்ற முட்டை - பரிதியினைக் குறிக்கும். பாகவத புராணம், 5-வது புத்தகம், 20-வது அத்தியாயம், செய்யுள் 44 நோக்கவும்.

Top

விளக்கம்
⁴ - பேருகா ஊருகா - சொல்வழக்கில் இது புகழினைக் குறிக்கும்.

⁵ - ஜாதிவாரு காரு - இங்கு 'ஜாதி' என்ற சொல்லுக்கு 'எண்ணம்' அல்லது 'நோக்கு' என்று பொருளாகும். தன்னுடைய வழிபாட்டுக்கு உகந்த சூழ்நிலை இல்லாதிருப்பதனை 'ஊராரும், தெருவிலுள்ளவரும் ஓர் எண்ணத்தினர் அல்லர்' என்று கூறுகின்றார்.

பேரண்டம் - பல்லுலகம்

பாதையினில் கைப்பற்றிக் காப்பாயய்யா - இதனை 'நன்னெறியினில் கைப்பற்றி நடத்துவாயய்யா' என்றும் பொருள் கொள்ளலாம்.

Top

---

Updated on 20 Jun 2009