தியாகராஜ கிருதி - ஸாரஸ நேத்ர - ராகம் ஸ1ங்கராப4ரணம் - Saarasa Netra - Raga Sankarabharanam

பல்லவி
ஸாரஸ நேத்ராபார கு₃ண
¹ஸாமஜ ஸி₁க்ஷ ²கோ₃த்₃த₄ரண

சரணம்
பாப க₃ணாப்₄ர ஸமீரண ³பாமர
பாலித பாவன நாம சண
தாபஸ மானஸ ஸாரஸ ஸு-
ப்₄ரமரானக₄ ராக₄வ மா ரமண
(திஸ்ர க₃தி)
யோகி₃ வந்த்₃ய பாஹி ஹே ⁴ஸாக₃ரார்தி ஹரண
ராக₃ லோப₄ தூ₃ர ஸ்ரீ த்யாக₃ராஜ போஷண (ஸா)

---

பொருள் - சுருக்கம்

• கமலக்கண்ணா! அளவு கடந்த குணங்களோனே! கரியைக் காத்தோனே! தாயை உயர்த்தியவனே!


• பாவங்களெனும் மேகங்களை (விரட்டும்) புயலே! பாமரர்களைக் காப்போனே! புனித நாமத்தோனெனப் புகழுடைத்தோனே! தவசிகளின் உள்ளத் தாமரையின் உயர் வண்டே! பாவங்களற்றோனே! இராகவா! மா மணாளா! யோகியர் தொழுவோனே! கடலின் துயர் களைந்தோனே! ஆசை, கருமித்தனமற்றவனே! தியாகராசனைப் பேணுவோனே!


• காப்பாய்.

---

பதம் பிரித்தல் - பொருள்
பல்லவி
ஸாரஸ/ நேத்ர/-அபார/ கு₃ண/
கமலக்கண்ணா/ அளவு கடந்த/ குணங்களோனே/

ஸாமஜ/ ஸி₁க்ஷ/ கோ₃/-உத்₃த₄ரண/
கரியை/ காத்தோனே/ தாயை/ உயர்த்தியவனே/

---

சரணம்
பாப க₃ண/-அப்₄ர/ ஸமீரண/ பாமர/
பாவங்களெனும்/ மேகங்களை (விரட்டும்)/ புயலே/ பாமரர்களை/

பாலித/ பாவன/ நாம/ சண/
காப்போனே/ புனித/ நாமத்தோனென/ புகழுடைத்தோனே/

தாபஸ/ மானஸ/ ஸாரஸ/ ஸு-/
தவசிகளின்/ உள்ள/ தாமரையின்/ உயர்/

ப்₄ரமர/-அனக₄/ ராக₄வ/ மா/ ரமண/
வண்டே/ பாவங்களற்றோனே/ இராகவா/ மா/ மணாளா/

யோகி₃/ வந்த்₃ய/ பாஹி/ ஹே/ ஸாக₃ர/-ஆர்தி/ ஹரண/
யோகியர்/ தொழுவோனே/ காப்பாய்/, ஓ/ கடலின்/ துயர்/ களைந்தோனே/

ராக₃/ லோப₄/ தூ₃ர/ ஸ்ரீ த்யாக₃ராஜ/ போஷண/ (ஸா)
ஆசை/ கருமித்தனம்/ அற்றவனே (தூரமானவனே)/ ஸ்ரீ தியாகராசனை/ பேணுவோனே/

---

குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்

விளக்கம்
இப்பாடல் திரு TK கோவிந்த ராவ் அவர்களின் 'Compositions of Tyagaraja' என்ற புத்தகத்தில் மட்டுமே கொடுக்கப்பட்டுள்ளது. எனவே பாடலை மற்ற புத்தகங்களுடன் ஒப்பிட இயலவில்லை.

மேற்குறிப்பிட்ட புத்தகத்தில் இப்பாடல் தியாகராஜரார் இயற்றப்பெற்றதா என ஐயம் தெரிவிக்கப்பட்டுள்ளது.

¹ - ஸாமஜ ஸி₁க்ஷ - மேற்குறிப்பிட்ட புத்தகத்தில், இதற்கு, 'கம்ஸனின் யானையைக் கொன்றவன்' என்று கொடுக்கப்பட்டுள்ளது. கண்ணன், மதுரைக்குச் சென்று, கம்ஸனைக் கொல்லுமுன், 'குவலயாபீடம்' என்ற யானையைக் கொன்றான். இவ்விடத்தில், கொடுக்கப்பட்டுள்ள சொல் 'ஸி₁க்ஷ'. அதற்கு 'தண்டித்தல்' என்று பொருளாகும். 'கமஸனைத் தண்டித்தான்' என்றால் சரியாகும். ஆனால், கம்ஸனால் ஏவப்பட்டு, கண்ணனின் வழியை மறைத்த, யானையை தண்டித்தான் என்று கூறுவது தவறாகும். 'ஸி₁க்ஷ' என்ற சொல்லுக்கு 'காத்தல்' என்றும் பொருளுண்டு. அங்ஙனமே, இங்கு மொழிபெயர்க்கப்பட்டது.
.
² - கோ₃த்₃த₄ரண - மேற்குறிப்பிட்ட புத்தகத்தில், இதற்கு 'கோவர்த்தனை மலையைத் தூக்கியவன்' என்று பொருள் கொள்ளப்பட்டுள்ளது. இச்சொல்லை, 'கோ₃ உத்₃த₄ரண' என்று பிரிக்கலாம். (அப்படிப் பிரித்தல் சரியாகுமா என ஐயமும் எழுகின்றது.) 'கோ₃' என்ற சொல்லுக்கு 'கோவர்த்தன மலை' என்று பொருளில்லை. எனவே, அப்புத்தகத்தில் கொடுக்கப்பட்டுள்ள பொருள் கொள்வதற்கு இயலாது. 'கோ₃' என்ற சொல்லுக்கு 'தாய்' என்றும் பொருளுண்டு. அந்தப் பொருளில் இங்கு மொழிபெயர்க்கப்பட்டது.

³ - பாமர - பொதுவாக இச்சொல்லுக்கு 'கெட்டவன்' என்று பொருளாகும். இச்சொல்லுக்கு 'அறிவிலி' என்றும் பொருளுண்டு. இவ்விடத்தில் அந்தப் பொருள்தான் (அறிவிலி) பொருந்தும்.

⁴ - ஸாக₃ரார்தி ஹரண - 'கடலின் துயர் தீர்த்தவன்'. இது எந்த நிகழ்ச்சியினைக் குறிக்கின்றதெனத் தெரியவில்லை.

Top

---

Updated on 30 Sep 2009